முதற்கட்டமாக 5 மில்லியன் பெறுமதியான வேலைகள் கல்லடி வேலூர் விபுலானந்தா விளையாட்டுக் கழக மைதானத்தில்.

சுபீட்சத்தின் நோக்கு ஒரு தேர்தல் தொகுதிக்கு ஒரு மைதானம் என்கின்ற திட்டத்தின் கீழ் கௌரவ பாராளுமன்ற உறுப்பினரும் மாவட்ட ஒருங்கிணைப்புக்குழு இணைத் தலைவருமான சிவநேசத்துரை சந்திரகாந்தன் அவர்களின் முன்மொழிவிற்கு அமைவாக தெரிவுசெய்யப்பட்ட கல்லடி வேலூர் விபுலானந்தா விளையாட்டுக் கழக மைதானத்திற்க்கான முதற்கட்ட 5 மில்லியன் ரூபா பெறுமதியான வேலைகளுக்கான ஆரம்ப நிகழ்வுகழ் தமிழ் மக்கள் விடுதலைப் புலிகள் கட்சியின் மண்முனை வடக்கு பிரதேச குழுவின் ஏற்பாட்டில் இன்றைய தினம் இடம்பெற்றது.

இதன் போது முன்னாள் மாகாணசபை உறுப்பினரும் தமிழ் மக்கள் விடுதலைப் புலிகள் கட்சியின் பொதுச் செயலாளருமான கௌரவ. பூபாலப்பிள்ளை பிரசாந்தன், தமிழ் மக்கள் விடுதலைப் புலிகள் கட்சியின் பிரதித்தலைவர் மதிப்பிற்குரிய திரு. க. ஜோகவேல் ஆகியோர் பிரதம அதிதிகளாக கலந்துகொண்டு நிகழ்வுகளை ஆரம்பித்து வைத்தனர்.

குறித்த நிகழ்வுகளின் போது மட்டக்களப்பு மாநகர முதல்வர் கௌரவ. தியாகராஜ சரவணபவன், மண்முனை வடக்கு பிரதேச செயலாளர் திரு. வாசுதேவன், மாநகர சபையின் பிரதி ஆணையாளர் திரு. சிவராசா, பிரதி திட்டமிடல் பணிப்பாளர் சுதர்சன் உட்பட துறைசார் அதிகாரிகள், கட்சியின் முக்கியஸ்தர்கள், தொண்டர்கள் என பலரும் கலந்து கொண்டமை குறிப்பிடத்தக்கது.