பட்டிருப்பு கல்வி வலையத்திற்குட்பட்ட வெல்லாவெளி கலைமகள் வித்தியாலய வரவேற்பு வளைவு கோபுரத்திற்கான அடிக்கல் நாட்டும் நிகழ்வானது பாடசாலை அதிபர் திரு. ஆறுமுகம் புட்கரன் தலைமையில் நேற்றைய தினம் ஏற்பாடு செய்யப்பட்டிருந்தது.

இந்நிகழ்வில் கிராமிய வீதிகள் அபிவிருத்தி இராஜாங்க அமைச்சரும், மட்டக்களப்பு மாவட்ட அபிவிருத்திக் குழு தலைவருமான சிவ.சந்திரகாந்தன் பிரதம அதிதியாக கலந்து கொண்டு சிறப்பித்திருந்தார்.

இராஜாங்க அமைச்சர் சிவ.சந்திரகாந்தன் அவர்களின் பன்முகப்படுத்தப்பட்ட நிதி ஒதுக்கீட்டின் கீழ் மேற்படி பாடசாலைக்கான வரவேற்பு வளைவு கோபுரமானது நிர்மானிக்கப்படவுள்ளமை குறிப்பிடத்தக்கது .

இந்நிகழ்வில் தமிழ் மக்கள் விடுதலை புலிகள் கட்சியின் பொதுச் செயலாளரும், முன்னாள் மாகாண சபை உறுப்பினரும், தற்போதைய கிராமிய வீதிகள் அபிவிருத்தி இராஜாங்க அமைச்சரின் பிரத்தியேக செயலாளருமான பூ.பிரசாந்தன், பிரதிச் செயலாளர் (இணைப்பாகம்) வை. சந்திரகுமார், கட்சியின் போரதீவுப்பற்று பிரதேசக் குழு செயலாளர் பிரசாத், இணைப்பாளர் கருணைராஜான், கட்சியின் கனடா கிளை இணைப்பாளர் கண்ணன், உட்பட ஆசிரியர்கள், மாணவர்கள் பெற்றோர்கள் பொதுமக்கள் என பலரும் கலந்து கொண்டனர்.