உலக இந்துக்களின் பிரசித்தி பெற்ற திருத்தலமான கதிர்காமம் முருகப்பெருமான் ஆலயத்தை நோக்கிய 2024 ஆம் ஆண்டுக்கான கானக பாதயாத்திரை நாளை (30) ஞாயிற்றுக்கிழமை காலை ஆரம்பமாகவுள்ளது.

அந்த வகையில் புனித பாதயாத்திரை மேற்கொள்ளவுள்ள பக்தர்களின் குடிநீர் உள்ளிட்ட அடிப்படை வசதிகளை மேற்கொண்டு வரும் தொண்டர் அமைப்புகளுக்கான எரிபொருளானது தமிழ் மக்கள் விடுதலை புலிகள் கட்சியின் ஏற்பாட்டில் பெற்றுக் கொடுக்கப்பட்டு வருகிறது. அந்த வகையில் சிவதொண்டர் அமைப்பிற்கான 335 லிட்டர் டீசல் நேற்றைய தினம் வழங்கி வைக்கப்பட்டிருந்தது.

கிராமிய வீதிகள் அபிவிருத்தி இராஜாங்க அமைச்சரும் மட்டக்களப்பு மாவட்ட அபிவிருத்திக் குழு தலைவரும், தமிழ் மக்கள் விடுதலை புலிகள் கட்சியின் தலைவருமான சிவ. சந்திரகாந்தன் அவர்களின் நேரடி நிதி பங்களிப்பின் ஊடாக, குறித்த பணிகளில் ஈடுபட்டு வரும் தொண்டரமைப்புகளுக்கான எரிபொருள் வருடாவருடம் பெற்றுக் கொடுக்கப்பட்டு வருகின்றமை குறிப்பிடத்தக்கது.