சுடர் ஒளி விளையாட்டு கழகத்தின் கொம்மாதுறை பிரிமியர் லீக் (KPL) 2024 கிரிக்கெட் சுற்றுப் போட்டி நிகழ்வானது அக் கழகத்தின் தலைவர் பாக்கியராசா அஜந்தன் தலைமையில் அண்மையில் ஏற்பாடு செய்யப்பட்டிருந்தது

அணிக்கு 11 பேர் கொண்ட 8 அணிகள் பங்குபற்றியிருந்த குறித்த கிரிக்கெட் சுற்றுப்போட்டி நிகழ்வில் கிராமிய வீதிகள் அபிவிருத்தி இராஜாங்க அமைச்சரும் மட்டக்களப்பு மாவட்ட அபிவிருத்திக் குழு தலைவருமான சிவனேசதுரை சந்திரகாந்தன் பிரதம அதிதியாக கலந்து கொண்டு நிகழ்வினை ஆரம்பித்து வைத்திருந்தார்.

இதன்போது கொம்மாதுறை ஸ்ரீ சித்தி விநாயகர் ஆலய பிரதம குரு சுலக்ஷன் சர்மா, ஆலய தலைவர் பாலச்சந்திரன், கட்சியின் செயற்குழு உறுப்பினர் ஸ்ரீகாந்த், சுடர் ஒளி விளையாட்டுக் கழகத்தின் முன்னாள் மூத்த உறுப்பினர்கள் மணிவண்ணன், ஸ்ரீபாலு, சந்திரசேகரம், உட்பட கொம்மாதுறை கிராமமட்ட அமைப்புகளின் பிரதிநிதிகள் விளையாட்டு கழக உறுப்பினர்கள் பொதுமக்கள் என பலரும் கலந்து கொண்டிருந்தனர்