கோறளைப்பற்று வாழைச்சேனை பிரதேச செயலக பிரிவில் கலைவாணி கலாமன்றத்தின் ஏற்பாட்டில் தமிழ், சிங்கள சித்திரைப் புத்தாண்டை சிறப்பிக்கும் முகமாக அம் மன்றத்தின் தலைவர் சு.டிலக்சன் தலைமையில் சாதனையாளர்களை கெளரவிக்கும் நிகழ்வும், அதனுடன் இணைந்த இசை நிகழ்வும் அண்மையில் இடம்பெற்றது.

குறித்த நிகழ்வின் போது கிராமிய வீதிகள் அபிவிருத்தி இராஜாங்க அமைச்சரும் மட்டக்களப்பு மாவட்ட அபிவிருத்திக் குழு தலைவருமான கௌரவ சிவ. சந்திரகாந்தன் அவர்கள் பிரதம அதிதியாக கலந்துகொண்டு கல்வி, கலை, கலாசாரம், விளையாட்டு போன்ற பல்வேறு துறைகளிலும் தமது சாதனைகளை வெளிப்படுத்திய சாதனையாளர்களை பதக்கம் அணிவித்து கெளரவப்படுத்தியதுடன், அதன் போது இடம்பெற்ற இசை நிகழ்விலும் பங்கேற்றிருந்தார். மேலும் கலைவாணி கலாமன்றத்தினால் இராஜாங்க அமைச்சருக்கு நினைவுச் சின்னமும் வழங்கி வைக்கப்பட்டிருந்தது.

இதன் போது வாழைச்சேனை ஸ்ரீ பத்திரகாளி அம்மன் ஆலய குருக்கள் முத்துலிங்கம் சண்முகம் ஐயா, கோறளைப்பற்று பிரதேச சபை முன்னாள் தவிசாளர் கனகரெட்ணம் கமலநேசன், வாழைச்சேனை பொலிஸ் பொறுப்பதிகாரி லசந்த பண்டார, சமுர்த்தி உத்தியோகத்தர், சாதனையாளர்கள் , பெற்றோர்கள் , பொதுமக்கள் என பலரும் கலந்து கொண்டனர்.