மட்டக்களப்பு குறுந்தையடி முன்மாரி காஞ்சிரங்குடா 10 star விளையாட்டு கழகத்தின் 11 வது ஆண்டு நினைவை முன்னிட்டு உயிர் நீத்த உறவுகளை நினைவுகூரும் முகமாக நேற்றையதினம் உதைபந்தட்ட நிகழ்வு   10 star விளையாட்டு கழகத்தினால் ஒழுங்குசெய்யப்பட்டிருந்தது. குறித்த நிகழ்வினை தமிழ் மக்கள் விடுதலைப்புலிகள் கட்சியின் பொதுச் செயலாளரும் முன்னாள் மாகாணசபை உறுப்பினருமான கெளரவ பூபாலபிள்ளை பிரசாந்தன் அவர்கள் பிரதம அதிதியாக கலந்து கொண்டு சம்பிரதாயபூர்வமாக நிகழ்வினை  ஆரம்பித்து வைத்ததுடன் வீரர்களையும் உற்சாகப்படுத்தியிருந்தமை குறிப்பிடத்தக்கது. அத்துடன் விளையாட்டு கழக உறுப்பினர்களின் தேவைகள் தொடர்பிலும் மைதான வசதிகள் தொடர்பிலும் கேட்டறிந்து கொண்டார்.

இதன் போது மண்முனை மேற்கு பிரதேச சபை உறுப்பினர் திரு ராகவன், காஞ்சிரங்குடா கிராம சேவையாளர் திரு கிருஷ்ணபிள்ளை, பொருளாதார உத்தியோகத்தர் திரு சுபாஸ், தமிழ் மக்கள் விடுதலைப்புலிகள் கட்சியின் அரசியல் ஆலோசகர் திரு சின்னா மாஸ்டர், விளையாட்டு கழக உறுப்பினர்கள்,ஊர் தலைவர்கள், ஆலய பரிபாலன சபை தலைவர்கள், பொது மக்கள் என பலரும் கலந்து கொண்டனர்.