மட்டக்களப்பு வார் வீதியில் அமைந்துள்ள லூர்து அன்னை ஆலயத்தின் வருடாந்த திருப்பலி திருவிழாவை சிறப்பிக்கும் முகமாக மட்டக்களப்பு சைக்கிளோட்ட சங்கத்தின் ஏற்பாட்டில் 52 மயில் சைக்கிள் ஓட்டப் போட்டி நிகழ்வானது நேற்று நடைபெற்றிருந்தது.

குறித்த நிகழ்வில் தமிழ் மக்கள் விடுதலைப் புலிகள் கட்சியின் இளைஞர் அணி செயலாளரும், நிகழ்வின் பிரதான அனுசரணையாளரும் பிரபல வர்த்தகருமான சண்முகலிங்கம் சுரேஷ்குமார் பிரதம அதிதியாக கலந்து கொண்டு நிகழ்வினை சிறப்பித்திருந்ததோடு வெற்றியீட்டியவர்களுக்கான பதக்கங்கள், மற்றும் வெற்றிக்கேடயங்களையும் வழங்கி வைத்திருந்தார்.