பெரியகல்லாறு ஒலிம்பியா விளையாட்டு கழகத்தின் ஏற்பாட்டிலும் அக் கழகத்தின் தலைவர் A.கோபாலசிங்கம் தலைமையிலும் ஒழுங்கு செய்யப்பட்டிருந்த பிரீமியர் லீக் கிரிக்கெட் சுற்றுப் போட்டி நிகழ்வினை கிராமிய வீதிகள் அபிவிருத்தி இராஜாங்க அமைச்சரும் மாவட்ட அபிவிருத்திக் குழுத் தலைவருமான சிவ. சந்திரகாந்தன் பிரதம அதிதியாக கலந்து கொண்டு ஆரம்பித்து வைத்திருந்தார்.

அணிக்கு 10 ஓவர் கொண்ட குறித்த பிரீமியர் லீக் கிரிக்கெட் சுற்றுப் போட்டி நிகழ்வானது 3 நாட்கள் நடைபெறும் என எதிர்பார்க்கப்படுகின்ற நிலையில் அணிக்கு 17 பேர் கொண்ட 4 அணிகள் பங்குபற்றி இருக்கின்றமையும் குறிப்பிடத்தக்கது.

இதன்போது மட்டக்களப்பு மாவட்ட அரசாங்க அதிபர் ஜெஸ் ரீனா முரளிதரன், தமிழ் மக்கள் விடுதலைப் புலிகள் கட்சியின் தேசிய அமைப்பாளருமான தம்பிராஜா தஜீவரன், மண்முனை தென் எருவில் பற்று பிரதேச செயலாளர் அறிவழகன், களுவாஞ்சிக்குடி பொலிஸ் நிலைய பொறுப்பதிகாரி, முன்னாள் பிரதேச சபை உறுப்பினர்களான சுதாகரன், கணேசன் உட்பட கழக உறுப்பினர்கள், விளையாட்டு வீரர்கள், பொதுமக்கள் என பலரும் கலந்து கொண்டனர்.