மட்டக்களப்பு நாவலடி மட்/கனிஷ்ட வித்தியாலய அதிபர் P.கமலநாதன் தலைமையில் ஏற்பாடு செய்யப்பட்ட வருடாந்த பரிசளிப்பு நிகழ்வில் கிராமிய வீதிகள் அபிவிருத்தி இராஜாங்க அமைச்சரும் மாவட்ட அபிவிருத்திக் குழுத் தலைவருமான சிவ. சந்திரகாந்தன் பிரதம அதிதியாக கலந்துகொண்டு கல்வி மற்றும் விளையாட்டு துறைகளில் தமது சாதனைகளை வெளிப்படுத்திய மாணவர்களை கெளரவித்து பதக்கங்களை அணிவித்ததுடன் வெற்றிக்கிண்ணங்களையும்,சான்றிதழ்களையும் வழங்கி வைத்திருந்தார்.

இதன்போது தமிழ் மக்கள் விடுதலைப் புலிகள் கட்சியின் பொதுச்செயலாளரும் முன்னாள் மாகாண சபை உறுப்பினரும் தற்போதைய கிராமிய வீதிகள் அபிவிருத்தி இராஜாங்க அமைச்சரின் பிரத்தியேக செயலாளருமான பூபாலபிள்ளை பிரசாந்தன், கிழக்கு மாகாண வீதி பயணிகள் போக்குவரத்து அதிகார சபையின் உதவிப் பணிப்பாளர் உ.யுவநாதன் உட்பட கட்சியின் முக்கியஸ்தர்கள், பொதுமக்கள், மாணவர்கள் என பலரும் கலந்து கொண்டிருந்தனர்.