கிழக்கு மாகாண மீன்பிடிப் பணிப்பாளர் பைந்தமிழ்ச்சுடர் S.சுதாகரன் (நிலையூர் சுதா) அவர்களின் கிடுகு வீடு நூல் அறிமுக விழாவானது கிழக்கு பல்கலைக்கழக உபவேந்தர் பேராசிரியர் வல்லிபுரம் கனகசிங்கம் அவர்களின் தலைமையில் மட்டக்களப்பு மகாஜனக் கல்லூரி கேட்போர் கூடத்தில் இன்று இடம்பெற்றது.

குறித்த நிகழ்வின்போது ஆன்மீக அதிதியாக மட்டக்களப்பு இராமகிருஷ்ண மிசன் உதவி முகாமையாளர் ஸ்ரீமத் சிவாமி சுராச்சிதானந்தர், கௌரவ அதிதிகளாக கிராமிய வீதிகள் அபிவிருத்தி இராஜாங்க அமைச்சரும், மாவட்ட அபிவிருத்திக் குழுத்தலைவருமான சிவநேசத்துரை சந்திரகாந்தன், பாராளுமன்ற உறுப்பினர் கோவிந்தன் கருணாகரன், முன்னாள் மாகாணசபை உறுப்பினரும் தமிழ் மக்கள் விடுதலை புலிகள் கட்சியின் பொதுச் செயலாளருமான கௌரவ. பூபாலபிள்ளை பிரசாந்தன், மட்டக்களப்பு மாவட்ட அரசாங்க அதிபர் கணபதிப்பிள்ளை கருணாகரன், திருமலை வளாக முதல்வர் பேராசிரியர் வதனி தேவதாசன், முன்னாள் பாராளுமன்ற உறுப்பினர் அல்ஹாஜ் செய்யத் அலிசாஹிர் மௌலானா, முன்னாள் பாராளுமன்ற உறுப்பினர் கிருஷ்ணபிள்ளை துரைராஜசிங்கம், முன்னாள் பாராளுமன்ற உறுப்பினர் சீனித்தம்பி யோகேஸ்வரன், முன்னாள் மாகாண சபை உறுப்பினர் இந்திரகுமார் பிரசன்னா, மட்டக்களப்பு தமிழ்ச் சங்க தலைவர் சைவப்புலவர் வி.ரஞ்சித மூர்த்தி, பன்முகக் கலைஞரின் இ. நகுலேஸ்வரன் உட்பட துறை சார் நிபுணர்கள் புத்திஜீவிகள், தமிழ் ஆர்வலர்கள் என பலரும் கலந்துகொண்டனர்.