''Future Minds'' பாலர் பாடசாலையானது தனது பயணத்தின் ஒன்பதாவது ஆண்டினை வெற்றிகரமாக நிறைவு செய்ததனை முன்னிட்டு அதன் ஸ்தாபகர் திரு. மனோகரன் அவர்களினால் மட்/ தேவநாயகம் மண்டபத்தில் கடந்த சனிக்கிழமை ஒழுங்கு செய்யப்பட்டிருந்த நிகழ்வின் போது கிராமிய வீதிகள் அபிவிருத்தி இராஜாங்க அமைச்சரும் மட்டக்களப்பு மாவட்ட அபிவிருத்திக் குழு தலைவருமான கௌரவ சிவ. சந்திரகாந்தன் அவர்கள் பிரதம அதிதியாக கலந்து கொண்டு மழலை செல்வங்கள் வெளிப்படுத்திய பல்வேறுபட்ட திறமைகளை கண்டு களித்ததுடன் அங்கு கல்விகற்று தமது பாலர்பாடசாலைக் கற்கைகளை நிறைவு செய்த மாணவர்களுக்கு சான்றிதழ்களையும் வழங்கிவைத்திருந்தார்.

அந்தவகையில் குறித்த நிகழ்வின் போது கிழக்கு மாகாண கல்வி பணிப்பாளர் அகிலா கனகசூரியம் கிழக்கு பல்கலைக்கழக சிரேஸ்ட விரிவுரையாளர் வைத்தியர் அருளானந்தம் போன்றோர் உட்பட பெற்றோர்கள் மாணவர்களென பலரும் கலந்து கொண்டனர்.