கிராமிய விளையாட்டு மைதானங்களை புனரமைப்பு செய்யும் தமிழ் மக்கள் விடுதலைப்புலிகள் கட்சியின் பயணத்தின் தொடர்ச்சியாக   மட்டக்களப்பு  மாவட்ட நாடாளுமன்ற உறுப்பினரும், மாவட்ட ஒருங்கிணைப்பு குழு இணைத் தலைவருமான கெளரவ சிவநேசதுரை சந்திரகாந்தன் அவர்களின் முன்மொழிவிற்கமைய நிதி ஒதுக்கீடு செய்யப்பட்ட பல விளையாட்டு மைதானங்களுக்கான புனரமைப்பு பணிகள் மாவட்டத்தின் பல பகுதிகளிலும் நேற்றைய தினம் ஆரம்பித்து வைக்கப்பட்டது.

அந்தவகையில் மண்முனை வடக்கு பிரதேச செயலக பிரிவிற்குட்பட்ட  மட்/புதூர் விக்னேஸ்வரா வித்தியாலய மைதானம் புனரமைப்பு செய்யப்படவுள்ளது.  குறித்த நிகழ்வானது நேற்றைய (04.04.2022) தினம் சம்பிரதாயபூர்வமாக ஆரம்பித்து வைக்கப்பட்டது.

குறித்த நிகழ்வில் மாநகர சபை உறுப்பினர்கள் ஜோர்ஜ் பிள்ளை, சாரதா தேவி, குமார் ,உதவிக் கல்விப் பணிப்பாளர், மட்/புதூர் விக்னேஸ்வரா வித்தியாலய அதிபர், மண்முனை வடக்கு அமைப்பாளர் குமாரசாமி கந்தராஜா  மற்றும் பொதுமக்கள் என பலரும் கலந்து கொண்டிருந்தனர்.